ਜੈਵਲਿਨ ਥ੍ਰੋਅ ਫਾਈਨਲ: ਭਾਰਤ ਦੇ ਨੀਰਜ ਤੇ ਪਾਕਿਸਤਾਨ ਦੇ ਅਰਸ਼ਦ ਆਹਮੋ-ਸਾਹਮਣੇ

ਜੰਮੂ-ਕਸ਼ਮੀਰ ਦੇ ਪਹਿਲਗਾਮ ਹਮਲੇ ਤੋਂ ਬਾਅਦ ਭਾਰਤ-ਪਾਕਿਸਤਾਨ ਵਿਚਕਾਰ ਤਣਾਅ ਲਗਾਤਾਰ ਵੱਧ ਰਿਹਾ ਹੈ ਅਤੇ ਇਸਦਾ ਅਸਰ ਖੇਡਾਂ ਦੀ ਦੁਨੀਆ ਵਿੱਚ ਵੀ ਸਾਫ਼ ਦਿੱਸ ਰਿਹਾ ਹੈ। ਕ੍ਰਿਕਟ ਮੈਦਾਨ ‘ਚ ਭਾਰਤੀ ਖਿਡਾਰੀਆਂ ਵੱਲੋਂ ਪਾਕਿਸਤਾਨੀ ਟੀਮ ਨਾਲ ਹੱਥ ਨਾ ਮਿਲਾਉਣ ਦੀ ਘਟਨਾ ਨੇ ਦੋਵਾਂ ਦੇਸ਼ਾਂ ਵਿਚਕਾਰ ਮਾਹੌਲ ਹੋਰ ਗੰਭੀਰ ਬਣਾ ਦਿੱਤਾ। ਹੁਣ ਇਹ ਰੰਜਿਸ਼ ਜੈਵਲਿਨ ਥ੍ਰੋਅ ਦੇ ਅਖਾੜੇ ਤੱਕ ਵੀ ਆ ਗਈ ਹੈ, ਜਿੱਥੇ ਭਾਰਤ ਦੇ ਸੋਨੇ ਦੇ ਭਾਲੇਬਾਜ਼ ਨੀਰਜ ਚੋਪੜਾ ਅਤੇ ਪਾਕਿਸਤਾਨ ਦੇ ਸਿਤਾਰੇ ਅਰਸ਼ਦ ਨਦੀਮ ਇਕ ਵਾਰੀ ਫਿਰ ਟੱਕਰ ਲਈ ਤਿਆਰ ਹਨ।

ਨੀਰਜ ਚੋਪੜਾ ਵਿਰੁੱਧ ਅਰਸ਼ਦ ਨਦੀਮ – ਦਿਲਚਸਪ ਮੁਕਾਬਲੇ ਦੀ ਉਡੀਕ

ਵਿਸ਼ਵ ਐਥਲੈਟਿਕਸ ਚੈਂਪੀਅਨਸ਼ਿਪ ਦੇ ਫਾਈਨਲ ‘ਚ ਦੋਵੇਂ ਖਿਡਾਰੀ ਆਪਣੀ ਕਾਬਲੀਅਤ ਦਿਖਾਉਣਗੇ। ਕੁਆਲੀਫਿਕੇਸ਼ਨ ਰਾਊਂਡ ‘ਚ ਨੀਰਜ ਨੇ ਪਹਿਲੇ ਹੀ ਪ੍ਰਯਾਸ ‘ਚ 84.85 ਮੀਟਰ ਦਾ ਸ਼ਾਨਦਾਰ ਥ੍ਰੋਅ ਕਰਕੇ ਆਪਣੀ ਦਮਦਾਰੀ ਸਾਬਤ ਕੀਤੀ। ਦੂਜੇ ਪਾਸੇ, ਅਰਸ਼ਦ ਨਦੀਮ ਨੂੰ ਸ਼ੁਰੂਆਤੀ ਦੋ ਕੋਸ਼ਿਸ਼ਾਂ ਵਿੱਚ ਨਾਕਾਮੀ ਮਿਲੀ, ਪਰ ਤੀਜੇ ਥ੍ਰੋਅ ‘ਚ 85.28 ਮੀਟਰ ਦੀ ਸੁੱਟ ਨਾਲ ਉਨ੍ਹਾਂ ਨੇ ਫਾਈਨਲ ਲਈ ਜਗ੍ਹਾ ਬਣਾਈ।

ਪੈਰਿਸ ਓਲੰਪਿਕ ਤੋਂ ਬਾਅਦ ਪਹਿਲੀ ਵੱਡੀ ਮੁਕਾਬਲਾ-ਭਿੜੰਤ

ਦੋਵੇਂ ਸਿਤਾਰੇ ਇਸ ਤੋਂ ਪਹਿਲਾਂ 10 ਅੰਤਰਰਾਸ਼ਟਰੀ ਮੁਕਾਬਲਿਆਂ ‘ਚ ਆਹਮੋ-ਸਾਹਮਣੇ ਹੋ ਚੁੱਕੇ ਹਨ, ਜਿੱਥੇ ਨੀਰਜ ਨੇ ਹਮੇਸ਼ਾ ਦਬਦਬਾ ਬਣਾਇਆ ਹੈ। ਅਰਸ਼ਦ ਨਦੀਮ ਸਿਰਫ਼ ਇੱਕ ਵਾਰ ਹੀ ਨੀਰਜ ਨੂੰ ਪਿੱਛੇ ਛੱਡ ਸਕੇ ਹਨ। ਇਸ ਵਾਰ ਟੋਕੀਓ ਦੇ ਜਾਪਾਨ ਨੈਸ਼ਨਲ ਸਟੇਡੀਅਮ ਵਿੱਚ ਹੋ ਰਹੇ ਫਾਈਨਲ ਵਿੱਚ ਦੋਵਾਂ ਦੀ ਭਿੜੰਤ ਨੇ ਪ੍ਰਸ਼ੰਸਕਾਂ ਦੀ ਧੜਕਣ ਤੇਜ਼ ਕਰ ਦਿੱਤੀ ਹੈ।